1.sæti Lena Ýr Sveinbjörnsdóttir GOB og Gunnar Ingi Björnsson GOB á 71 höggi nettó

2.sæti Erla Pétursdóttir GO og Ísleifur Leifsson GKB á 72 höggum nettó

3. sæti Guðný Helgadóttir og Hákon Gunnarsson á 72 höggum nettó

Næstir holu á par 3 holum voru:

5/14 braut Jens Uwe Friðriksson GOS  1,55m

7/16 braut Ísleifur Leifsson GKB  1,32m

Verðlaun voru  60 þúsund fyrir 1.sætið, 40 þúsund fyrir 2. Sætið og 30 þúsund fyrir 3. sætið, allt ferðaávísanir á ferðir hjá Sumarferðum, nándarverðlaun voru kassar af Callaway golfboltum.

Þökkum þátttakendum fyrir komuna og Sumarferðum fyrir veglega vinninga.

Texas Scramble para- og hjónakeppni. Verðlaun fyrir þrjú efstu sætin í boði Sumarferða.

Fyrirkomulag:
Leikfyrirkomulag er tveggja manna Texas Scramble (höggleikur með forgjöf). Forgjöf liðs er fundinn með því að leggja saman leikforgjöf liðsmanna og deila í með fimm. Lið getur þó ekki fengið hærri forgjöf en leikforgjöf þess sem er með lægri forgjöf. Hámarksforgjöf er 36 hjá körlum og 40 hjá konum. 

Jafntefli leyst:
Verði tvö eða fleiri lið jöfn í verðlaunasæti þá vinnur það lið sem hefur færri högg á seinni 9. Ef úrslit ráðast ekki við það gilda síðustu 6, þá síðustu 3 og loks 18. hola. Ef enn er jafnt skal varpa hlutkesti.

Fyrstu rástímar kl. 12:00.

Skráningu lýkur 3. júlí kl. 11:30.

Verð: 5.000 kr. á parið.

Haukadalsvöllur opnar formlega þetta árið laugardaginn 28. maí.  Frítt kaffi og vöfflur í boði, eins og venjulega á opnunardegi. 

Völlurinn hefur verið seinn til þetta vorið, eins og víðar.  Klakinn farið seint úr jörðu og bleytan því setið lengur í vellinum og hann ekki verið fær stærri vélum, fyrr en í síðustu viku.  Flatir hafa þvi verið slegnar með handvélum undanfarnar vikur. 

Nú er hins vegar allt klárt og vonandi að veðurguðirnir verði okkur hliðhollir og skaffi okkur gott golfveður í bland við vætu fyrir grasið.

Boðið verður uppá golfnámskeið með nýju sniði helgina 3.-4. júní.

Lögð verður áhersla á atriðin sem aldrei er sagt frá í golfkennslu á mottunni t.d.: 

Er þetta golfbolti eða golfkúla?

Listin við að tapa bara einu höggi

Hvernig á að fylla út skorkort

Handbolti á golfvellinum

Hvað á og hvað má vera í golfpokanum.

Námskeiðstilhögun:

Föstudagur 3. júní

18:00 Kynningarkvöld - Kvöldmatur, fyrirlestrar um golf, er þetta bolti eða kúla? - skýt ég eða slæ?  Skipt í hópa

Laugardagur 4. júní

09:00  Upphitun á æfingasvæði

10:00 Golfleikni - vellinum skipt upp í eitt stórt æfingasvæði - 3 x 30 mín æfingar

12:00 Hádegismatur

13:30 Golfleikur - haldur leiðir blindan.  Leiknar 18 holur - leikmenn aðstoða hver annan við að ná sínum besta árangri

19:00 Kvöldmatur og námskeiðslok

Pakki 1 - innifalið

Golf og golfkennsla, kvöldmatur föstudag, hádegismatur og kvöldmatur laugardag

Verð kr. 19.900 á mann

Pakki 2- innifalið

Golf og golfkennsla, kvöldmatur föstudag, gisting m.v. 2 í herbergi, morgun-, hádegis- og kvöldmatur laugardag

Verð kr. 24.900 á mann

Aukagistinótt með morgunverði og golfi fyrir 2 á kr. 15.500 (herbergið)